ក្ដៅស្លឹកត្រចៀក! ស្រីស្អាត អៀ ម៉េងលិ ចេញមុខបកស្រាយក្រោយផ្ទុះការិះគន់រឿងប្រភពចំណូល

តារាសម្តែងកញ្ញា អៀ ម៉េងលិ បានចេញមុខបកស្រាយនិងបង្ហាញប្រភពនៃការរកចំណូលរបស់ខ្លួន ពីរការយល់ច្រឡំរបស់មហាជនមួយចំនួនដែលតែងតែយល់ខុសលើកញ្ញា និងចង់ដឹងពីការងាររបស់នាង។

កក្កដា 21, 2021 09:08 3103

ក្ដៅស្លឹកត្រចៀក! ស្រីស្អាត អៀ ម៉េងលិ ចេញមុខបកស្រាយក្រោយផ្ទុះការិះគន់រឿងប្រភពចំណូល

សូមរំលឹកផងដែរថា កញ្ញា អៀ ម៉េងលិ កន្លងមកទើបតែទទួលរងការរិះគន់យ៉ាងចាស់ដៃពីសំណាក់មហាជន ក្នុងសកម្មភាពដែលនាងកំពុងឡាយ (Live)វីដេអូលក់ផ្ទះក្នុងសម្លៀកបំពាក់ដ៏លេចធ្លោ និងមានភាពសិចស៊ីខ្លាំងបំផុត ។
ពេលនេះ កញ្ញា អៀ ម៉េងលិ បានបង្ហោះសារតាមគណនីហ្វេសប៊ុករបស់ខ្លួនថា" មនុស្សមួយចំនួនតែងតែចង់ដឹងរឿងខ្ញុំ ម្នាក់និងរកស៊ីអី? ធ្វើការអី? មានឡានមានផ្ទះនិងបានមកពីណា? ថីនិងចង់ដឹងម៉េស ជីវិតរបស់គេសោះនិងវី ចាំបងប្រាប់ពួកមីអូនឯងអោយដឹង ហើយឈប់ឆ្ងល់ ok?"
1- ខ្ញុំរកស៊ីលក់ស្រា
2-ខ្ញុំលក់ផលិតផល
3-ខ្ញុំថត ស្ពត និង ទទួលថត គ្រប់ផលិតផល
កញ្ញាបានបញ្ជាក់ថា" ក្នុង១ខែអន់ណាស់ ក៏ខ្ញុំអាចរកបានសមល្មមនិងការចិញ្ចឹមគ្រួសារទាំងមូលដែល និយាយរួមមិនលើសលុប ហើយនិងអាចទិញអ្វីដែលខ្លួនឯងចង់បាន ។

កញ្ញាបានលើកឡើងបញ្ជាក់ថា ទាំងអស់នេះ គឺជាការងារដែលនាងកំពុងធ្វើតែនៅក្នុងផ្ទះ ហើយវាក៏រកចំណូលបានច្រើនគួសមផងដែរ។
យ៉ាងណាបើតាម អៀ ម៉េងលិ កន្លងមក មានអ្នកដែលឆ្ងល់ថា នាងមានផ្ទះមានឡានបានមកពីណា បើនៅតែផ្ទះ។ ត្រង់ចំណុចនេះនាងបញ្ជាក់ថា អ្វីដែលនាងមានពីមុននោះគឺជាកេរ្តិ៍ពីឪពុកម្តាយរបស់នាងដែលបានប្រឹងប្រែងរក។
តែឥឡូវឪពុកម្តាយនាងចាស់ៗអស់ហើយមិនអាចធ្វើអ្វីបានដូចមុនឡើយ ហេតុនេះបន្ទុកគ្រួសារគឺធ្លាក់មកនាងដែលត្រូវរ៉ាប់រងវិញ៕