ចិនផ្លាស់ប្តូរយុទ្ធសាស្ត្រចំពោះតៃវ៉ាន់ និងជប៉ុន ចំពេលពិភពលោកកំពុងតានតឹងដោយសារវិបត្តិនៅតំបន់មជ្ឈិមបូព៌ា

យោងតាមរបាយការណ៍ថ្មីបំផុតពីទីភ្នាក់ងារព័ត៌មាន Reuters បានឱ្យដឹងថា ខណៈពេលដែលការយកចិត្តទុកដាក់របស់សហរដ្ឋអាមេរិក និងពិភពលោក កំពុងផ្តោតខ្លាំងលើជម្លោះដ៏តានតឹងនៅតំបន់មជ្ឈិមបូព៌ា ចិនបានឆ្លៀតឱកាសនេះដើម្បីផ្លាស់ប្តូរ និងពង្រឹងយុទ្ធសាស្ត្រយោធារបស់ខ្លួននៅតំបន់អាស៊ីបូព៌ា ជាពិសេសចំពោះកោះតៃវ៉ាន់ និងប្រទេសជប៉ុន។

មេសា 17, 2026 02:38 67

ចិនផ្លាស់ប្តូរយុទ្ធសាស្ត្រចំពោះតៃវ៉ាន់ និងជប៉ុន ចំពេលពិភពលោកកំពុងតានតឹងដោយសារវិបត្តិនៅតំបន់មជ្ឈិមបូព៌ា

ទីក្រុងប៉េកាំងត្រូវបានគេមើលឃើញថា កំពុងបង្កើនសកម្មភាពនៅក្នុង "តំបន់ប្រផេះ" (Gray zone activities) ពោលគឺជាសកម្មភាពយោធាដែលមិនទាន់ដល់កម្រិតសង្គ្រាមពេញលេញ ប៉ុន្តែមានគោលដៅដាក់សម្ពាធខ្លាំង។ ការធ្វើបែបនេះ កើតឡើងចំពេលដែលធនធានយោធា និងការយកចិត្តទុកដាក់ខាងការទូតរបស់អាមេរិក កំពុងជាប់ដៃយ៉ាងខ្លាំងក្នុងជម្លោះរវាងអ៊ីរ៉ង់ និងអ៊ីស្រាអែល។
ជំនួសឱ្យការធ្វើសមយុទ្ធខ្នាតយក្សដែលងាយនឹងបង្កឱ្យមានការថ្កោលទោសខ្លាំងពីអន្តរជាតិ ចិនបានប្តូរមកធ្វើសកម្មភាពយោធាខ្នាតតូចតែញឹកញាប់ និងមិនអាចទាយទុកជាមុនបាន។ យុទ្ធសាស្ត្រនេះមានបំណងធ្វើឱ្យកម្លាំងការពារជាតិរបស់តៃវ៉ាន់ និងជប៉ុន មានការនឿយហត់ និងចុះខ្សោយបន្តិចម្តងៗ។
រដ្ឋាភិបាលទីក្រុងតូក្យូបានសម្តែងការព្រួយបារម្ភយ៉ាងខ្លាំង ដោយលើកឡើងថា សន្តិសុខនៅមជ្ឈិមបូព៌ា និងតំបន់ឥណ្ឌូប៉ាស៊ីហ្វិក គឺមានទំនាក់ទំនងគ្នាយ៉ាងជិតស្និទ្ធ។ ជប៉ុនបារម្ភថា ចន្លោះប្រហោងនៃយុទ្ធសាស្ត្រដែលកើតចេញពីសង្គ្រាមនៅមជ្ឈិមបូព៌ា នឹងក្លាយជាឱកាសមាសសម្រាប់ចិនក្នុងការគ្រប់គ្រងដែនសមុទ្រនៅក្បែរកោះសេនកាគុ (Senkaku)។
ទោះបីជាអាមេរិកអះអាងថាខ្លួននៅតែការពារតំបន់ឥណ្ឌូប៉ាស៊ីហ្វិកក៏ដោយ ប៉ុន្តែអ្នកវិភាគយល់ថា ការផ្គត់ផ្គង់ភស្តុភារ និងអាវុធទៅឱ្យសមរភូមិពីរក្នុងពេលតែមួយ (មជ្ឈិមបូព៌ា និងអាស៊ី) កំពុងធ្វើឱ្យសមត្ថភាពរបស់មន្ទីរបញ្ចកោណ (Pentagon) ជួបការលំបាក។

Understanding Xi Jinping Thought: the clear and present implications for democratic nations | The Strategist

ប្រភព៖ Reuters